डा. जोसेफ मर्फीद्वारा लिखित ‘तपाईंको अवचेतन मनको शक्ति’ विश्वभर अत्यन्त लोकप्रिय र धेरै प्रति बिक्री भएको आत्मविकास तथा आत्मसहायता पुस्तक हो। यस पुस्तकले मानिसको सोचाइ र विश्वासका माध्यमबाट जीवनमा सकारात्मक परिवर्तन ल्याउने विभिन्न तरिका र उपायहरू सिकाउँछ।अवचेतन मनभित्र हजुरका विचार, भावना र अनुभवहरूको विशाल भण्डार हुन्छ। यसैले हजुरका दैनिक कार्य र व्यवहारलाई सञ्चालन गर्न महत्त्वपूर्ण भूमिका खेल्छ। यसले हजुरभित्रका भावना, चाहना र इच्छाहरूलाई सही वा गलत भनेर तर्क–वितर्क गर्दैन। बरु, हजुरले जुन कुरा वा विचारलाई गहिरो विश्वासका साथ स्वीकार गर्नुहुन्छ, त्यसैलाई सत्य मानेर त्यसका आधारमा परिणाम दिन्छ।हामी सबैमा डर र शंका विद्यमान हुन्छन्। तर यस्ता नकारात्मक भावनालाई सकारात्मक विचारले प्रतिस्थापन गर्न सकेमा जीवनमा सफलता, स्वास्थ्य र सुख प्राप्त गर्ने दिशामा अघि बढ्न सकिन्छ।अवचेतन मन स्वत निरन्तर सक्रिय रूपमा काम गरिरहेको हुन्छ। जस्तै, श्वास फेर्नु, मुटु धड्किरहनु, शरीरका विभिन्न जैविक प्रक्रिया निरन्तर चलिरहनु आदि यसका उदाहरण हुन्। यसले हाम्रो बाल्यकालदेखि अहिलेसम्मका महत्त्वपूर्ण सम्झना र अनुभवहरूलाई स्मृतिका रूपमा सुरक्षित राख्छ तथा हाम्रो दैनिक काम र बानीलाई प्रभाव पार्छ।यदि हामीले सकारात्मक सोच राख्यौँ भने हाम्रो जीवनमा पनि सकारात्मक परिस्थिति निर्माण हुने सम्भावना बढ्छ। त्यसैगरी, नकारात्मक सोचमा केन्द्रित रह्यौँ भने नकारात्मक अनुभव र परिणामतर्फ हाम्रो ध्यान तथा व्यवहार निर्देशित हुन सक्छ।अवचेतन मनलाई सक्रिय र सशक्त बनाएर सकारात्मक रूपमा कार्य गर्न आत्मसुझाव, आत्मध्यान र सकारात्मक सोचमा आधारित ११ वटा प्रमुख नियम तथा तरिका अपनाउन सकिन्छ।१. बढीभन्दा बढी सकारात्मक पुष्टि (Affirmation) को प्रयोग।२. लक्ष्यको स्पष्ट दृश्यावलोकन।३. भित्री भावनाको उच्च शक्ति र सकारात्मक प्रयोग।४. राम्रा तथा सकारात्मक कुराहरू दोहोर्याइरहने।५. सुत्नुअघि र एकान्तमा सकारात्मक सोच राख्ने।६. नियमित रूपमा ध्यानको अभ्यास गर्ने।७. अरूलाई कृतज्ञता र धन्यवाद व्यक्त गर्ने।८. प्रेरणादायी तथा सकारात्मक सोच भएका व्यक्तिहरूसँग सम्पर्कमा रहने।९. आफूभित्र सकारात्मक कुराहरूको प्रभाव बढाउने।१०. नकारात्मक कुराहरूलाई तुरुन्तै त्याग्ने।११. भविष्यप्रतिको अनावश्यक चिन्ता त्याग्ने।
