सपना पूरा गर्ने क्रममा आउने पीडा र चुनौतीहरूको सामना गर्न सक्ने व्यक्तिले नै सफलता हासिल गर्न सक्छ भन्ने सन्देश यस पुस्तकले दिन्छ। अमेरिकी लेखक एन्जेलो एम्डी (Angelo M. D.) द्वारा लिखित ‘टक द टक, टक द टक’ नेटवर्क मार्केटिङ तथा मल्टिलेभल मार्केटिङ (MLM) क्षेत्रका लागि उपयोगी मानिने पुस्तक हो।नेपालमा नेटवर्क मार्केटिङसम्बन्धी व्यवसाय सञ्चालन गर्दा कानुनी प्रावधानहरूको पालना गर्नु आवश्यक हुन्छ। यद्यपि, यस पुस्तकमा प्रस्तुत गरिएका मार्केटिङका सिद्धान्त, सञ्चार सीप, ग्राहकसँगको सम्बन्ध र व्यवसाय विकाससम्बन्धी ज्ञानलाई अन्य व्यवसाय तथा मार्केटिङका क्षेत्रमा पनि उपयोग गर्न सकिन्छ। किनकि ग्राहकलाई बुझ्ने, प्रभावकारी रूपमा संवाद गर्ने र विश्वासमा आधारित सम्बन्ध निर्माण गर्ने जस्ता आधारभूत मार्केटिङका सिद्धान्तहरू विभिन्न व्यवसायमा महत्त्वपूर्ण हुन्छन्।हेल्प टु हेल्प। धन्यवाद।
पुस्तकका मुख्य विषयवस्तु र विशेषताहरू१. सञ्चार कला र प्रभावकारी संवादयस पुस्तकले व्यवसायमा विभिन्न व्यक्तिहरूसँग कसरी प्रभावकारी रूपमा कुराकानी गर्ने र आफ्ना विचारहरूलाई स्पष्ट, आकर्षक तथा प्रभावकारी ढङ्गले प्रस्तुत गर्ने भन्ने कुरा सिकाउँछ। साथै, सम्भावित ग्राहकहरू वा व्यावसायिक साझेदारहरूसँग कुराकानी गर्दा प्रयोग गर्न सकिने उपयोगी प्रश्नहरू र प्रभावकारी वाक्यांशहरू पनि समावेश गरिएका छन्। यसले हजुरलाई आत्मविश्वासका साथ संवाद गर्न, अरूका आवश्यकता बुझ्न र आफ्नो व्यवसायका विषयमा स्पष्ट रूपमा जानकारी दिन मद्दत गर्छ।
मानिसहरूको सही छनोट कसरी गर्ने, व्यवसायमा साँच्चिकै काम गर्न इच्छुक व्यक्तिहरू र विभिन्न बहाना बनाउने व्यक्तिहरूलाई कसरी छुट्याउने भन्ने विषयमा यस पुस्तकले मार्गदर्शन गर्छ। साथै, व्यवसायमा नयाँ जोडिएका ग्राहक, सदस्य वा वितरकहरूलाई आफ्नो काम र व्यवसायप्रति कसरी उत्प्रेरित गर्ने तथा उनीहरूमा नेतृत्व क्षमताको विकास कसरी गर्ने भन्नेबारे पनि पुस्तकले सही मार्गदर्शन प्रदान गर्छ।
नयाँ व्यक्तिहरूसँग सम्पर्क कसरी स्थापना गर्ने भन्ने कुरा सिक्न सक्नुहुन्छ।
सही प्रवृत्ति भएका सम्भावित उपभोक्ताहरूको पहिचान कसरी गर्ने भन्ने ज्ञान प्राप्त गर्न सक्नुहुन्छ।
आफ्नो ज्ञानको भण्डारमार्फत मानिसहरूलाई चकित पार्दै उत्साहित बनाउन सक्नुहुन्छ।
आत्मविश्वासका साथ मानिसहरूका समस्या समाधान गर्न सक्नुहुन्छ।
नयाँ व्यक्तिहरू तथा ग्राहकहरूलाई आफ्ना सपना पूरा गर्न र सफलता हासिल गर्न सहजतापूर्वक मार्गदर्शन गर्न सक्नुहुन्छ।
